لاہور۔10اگست (اے پی پی) وفاقی وزیر قومی غذائی تحفظ و تحقیق رانا تنویر حسین آکھیے جو بھارت عالمی کلھیپے دا شکار تھی چکئے، بھارتی چیف دا بیان بکھلاہٹ دا نتیجہ اے، پاکستان قیامت تئیں قائم رہݨ کیتے بݨیے۔عوام دی فلاح و بہبود پہلی ترجیح اے۔ قائد محمد نواز شریف اتے وزیراعظم محمد ??ہباز شریف دی سمجھدار قیادت اچ پاکستان کوں ہک وݙی ریاست بݨاوݨ کیتے پرعزم ہن۔آزادی ٻہوں وݙی نعمت اے، نینگر قائد اعظم محمد ??لی جناح دی شخصیت کوں آپݨی زندگی اچ رول ماڈل بݨاون، کشمیر اچ آزادی دا سنجھ وختی ابھرسی ۔اے ڳالھ انہاں اے پی پی نال خصوصی ڳالھ مہاڑ کریندیں آکھی ۔ وفاقی وزیر آکھیا جو آپریشن بنیان مرصوس دے 3 مہینے گزرݨ دے بعد بھارتی ای??ر چیف ولوں بھارت دی طرفوں 6 پاکستانی طیارے مار ڈھاوݨ دا بیان کُوڑ تے مبنی اتے مذاق اے۔عالمی سطح تے کلھیپے دی وجہ نال بھارت بکھلاہٹ دا شکار تھی چکیے۔ جنگاں کُوڑ نال نی بلکہ پیشہ ورانہ مہارت نال جت??اں ویندن۔ہر آوݨ آلا ݙینھ مودی سرکار اتے بھارت کیتے شرمندگی دا باعث بݨدا پئے۔پاکستان دا دفاع تکڑھے ہتھاں وچ ہے ، اے ملک قیامت تئیں قائم رہݨ کیتے بݨیے، کوئی میلی اکھ نال ݙیکھݨ دی جرات نئیں کر سڳدا۔ ہک سوال دے جواب اچ انہاں آکھیا جو عوام دی فلاح و بہبود پہلی ترجیح اے۔ حکومت د??اں عوام دوست پا??یس??اں نال عوام مکمل طور تے مطمئن ہن۔پاکستان مسلم لیگ (ن) پاکستان کوں باوقار ریاست بݨاوݨ کیتے قائد محمد نواز شریف اتے وزیراعظم محمد ??ہباز شریف دی سمجھدار قیادت اچ پرعزم اے۔جلدی ایں ملک کوں ہک وݙی معاشی قوت بݨیسوں جیں کیتے ݙینھ رات کوشش کریندے پیوں ۔ ہک ٻئے سوال دے جواب اچ وفاقی وزیر آکھیا جو بے شک آزادی ٻہوں وݙی نعمت اے اتے ایں ملک خداداد کوں گھنݨ سانڳے اساݙے وݙیں وݙ??اں قربان??اں ݙتن۔علامہ محمد ??قبال دے خواب دی تعبیر کیتے قائد اعظم محمد ??لی جناح دی پرجوش قیادت دے نتیجے اچ برصغیر دے مسلمان مسلم لیگ دے جھنڈے تلے ہک تھی ڳئے جیں پاروں 14 اگست 1947 کوں پاکستان دنیا دے نقشے تے آزاد ملک دے طور تے سامݨے آیا۔ایں آزادی دی وجہ نال اڄ اساں پرامن فضا اچ ساہ گھندے پیوں ۔ انہاں آکھیا جو یوم آزادی وعدہ نواں کرݨ دا ݙینھ وی اے، پاکستانی دے طور تے ایں ملک دی تعمیر و ترقی اچ کردار ادا کرݨا اساں ساریں تے ایں وطن دے قیام کیتے قربانی ݙیوݨ آلے شہیداں دا قرض اے۔اساکوں وعدہ کرݨا ہوسی جو ایں ملک دے سچے خدمت گار بݨسوں اتے محب وطن شہری دے طور تے آپݨا اہم کردار ادا کریسوں۔ رانا تنویر حسین آکھیا جو اللہ تعالیٰ ایں ملک کوں ہر نعمت نال نواز رکھیے، جیڑھا شاید ہی دنیا دے کہیں ٻئے ملک کوں نصیب تھیوے، اساکوں ایں ملک کوں آپݨی ذات توں ودھ تے ترجیح ݙیوݨی چاہیدی اے، وطن نال محبت دا پہلا تقاضا ایہا اے جو اساں علاقائی، نسلی اتے لسانی تفریق کوں پرے سٹیندیں ہوئیں ملک دی سلامتی و ترقی کیتے ہک جاہ تے تھیووں۔ ہک سوال دے جواب اچ وفاقی وزیر آکھیا جو نینگر اساݙا قومی اثاثہ اتے مستقبل دے معمار ہن، ملکی تعمیر و ترقی کیتے نینگر دی نسل کوں قائداعظم محمد ??لی جناح دی شخصیت کوں ہک رول ماڈل دے طور تے اپناوݨا چاہیدے۔ انہاں آکھیا جو تحریک آزادی دے شہیداں سودھے پاکستان دے دفاع و سلامتی کیتے آپݨ??اں جاناں دا نذرانہ پیش کرݨ آل??اں مسلح فوجاں، پولیس، ڈاکٹرز، استاداں اتے ٻئے اداریں دے جواناں کوں خراج عقیدت پیش کریندوں اتے اساں وعدہ کریندوں جو انہاں د??اں قربان??اں کوں ضائع نہ تھیوݨ ݙیسوں۔ پاکستان دے ایں قیمتی تحفے کیتے اساں انہاں وݙے رہنماواں دے ہمیشہ احسان مند رہسوں۔ کشمیر اچ انسانیت سوز بھارتی ظلم دے بارے ہک سوال دے جواب اچ وفاقی وزیر رانا تنویر حسین آکھیا جو کشمیر دے بغیر پاکستان ادھورا اے، اساں جموں و کشمیر دے لوکاں دے نال کھڑوں کشمیر تے بھارت دے ظالمانہ قبضے دے خلاف اتے آپݨے حق خود ارادیت دے حصول کیتے مسلسل کوشش کریندے پیوں۔پاکستان بھارت دے غیر قانونی قبضے دے تلے جموں و کشمیر دے عوام کوں سیاسی، اخلاقی اتے سفارتی مدد ݙیندا رہسی، اساں غیر قانونی طور تے بھارت دے تلے جموں و کشمیر دے عوام نال یکجہتی دا اظہار کریندوں او ݙینھ پرے کائنی جݙاں کشمیر اچ آزادی دا سجھ ابھرسی ۔ وفاقی وزیر آکھیا جو آزادی دا جذبہ اساکوں درپیش چیلنجز تے قابو پا??ݨ اتے ہک ای??ھی قوم بݨاوݨ کیتے کم کرݨ دی ترغیب ݙیندے جیڑھا انصاف، مساوات اتے ساریں کیتے خوشحالی دے اصولاں تے مبنی ہووے، وختی انہاں اصولاں کوں سامݨے رکھیندیں ایں ملک کوں ہک وݙی معاشی اتے فلاحی ریاست بݨیسوں جیں دا خواب علامہ محمد ??قبال اتے قائد اعظم محمد ??لی جناح ݙٹھا ہئی۔
