اسلام آباد۔24جنوری(اے پی پی) وزیراعظم محمد شہبازشریف آکھیے پاکستانی نینگراں اچ زندگی دے سارے شعبیں اچ آپݨی صلاحیتاں دا لوہا منواوݨ تے ملک دا ناں روش کرݨ دی مکمل استعداد موجود اے۔ وزیراعظم دفتر میڈیا ونگ توں جاری بیان موجب اے ڳالھ انہاں یونیورسٹی آف لندن دی وائس چانسلر وینڈی تھامسن نال ڳالھ مہاڑ کریندے آکھی جنہاں اتھاں انہاں نال ملاقات کیتی۔ وزیراعظم آکھیے پاکستانی شہری یونیورسٹی آف لندن اتے ٻئی معروف بین الاقوامی تعلیمی اداریں توں تعلیم گھنݨ دے بعد عالمی مارکیٹ اچ اہم خدمات سرانجام ݙیندے پئن ۔ حکومت پاکستان نینگراں کوں میرٹ دی بنیاد تے ٻاہرلے ملک سکالرشپ اتے ملازمت دی خاطر بھیڄݨ سانڳے ٻہوں پروگرام متعارف کر چکی اے اتے نوی حکمت عملیاں تے کم جاری اے ۔ وزیراعظم آکھیے اساں آپݨے نینگراں کوں عالمی مارکیٹ دے تقاضیں موجب صلاحیتاں توں آراستہ کرݨ سانڳے پرعزم ہن ۔ وینڈی تھامسن وزیراعظم محمد شہباز شریف کوں ملک اچ تعلیم دے ودھارے سانڳے اڄوکے ا??دامات تے خراج تحسین پیش کیتا ۔ ملاقات اچ وزیر اطلاعات و نشریات عطا اللہ تارڑ، وفاقی وزیر اقتصادی امور احد خان چیمہ اتے متعلقہ اداریں دے اعلیٰ افسر شریک تھئن۔
