اسلام آباد۔19جون (اے پی پی) پاکستان اتے ایران دا ݙوپاسہ سیاسی مشاورت دا 12 واں دور تہران اچ تھیا۔ سنوار کوں دفتر خارجہ دے مطابق سیکرٹری خارجہ ڈاکٹر اسد مجید خان اتے ایران دے نائب وزیر خارجہ علی باغیری کنی ݙوہیں ملکاں دی قیادت کیتی۔ ملاقات اچ پاکستان دے سفیر رحیم حیات قریشی اتے ݙوہیں پاسوں دے اعلیٰ حکام شریک تھیے۔ فریقین ݙوپاسہ تعلقات دے سارے دائرہ کار تے ڳالھ کیتی اتے گزریل اجلاس دے فیصلیاں تے عملدرآمد دی صورتحال دا جائزہ ڳھدا ڳیا۔ ݙوپاسہ تجارت کوں ودھاوݨ، متنوع ٻݨاوݨ اتے توانائی، ٹرانسپورٹ رابطے، تعلیم اتے عوام نال عوام دے تبادلے اچ تعاون تے اتفاق کیتا ڳیا۔ فریقاں اقوام متحدہ، او آئی سی اتے ای سی او سودھے کثیرالجہتی فورمز تے تعاون جاری رکھݨ دا عزم کیتا۔ سیکرٹری خارجہ ایران اتے سعودی عرب وچال سفارتی تعلقات کوں معمول تے ڳھن آوݨ دا خیر مقدم کیتا۔
.jpg)
