اسلام آباد۔23نومبر (اے پی پی) الیکشن کمیشن نویں حلقہ بندیاں تے اعتراضات دی سݨیڄ مکمل کر ڳھدی اے۔ سیاسی جماعتاں کیتے ضابطہ اخلاق منظور کر ڳھدا ڳئے۔ بیلٹ پیپرز چھاپݨ کیتے ضروری انتظامات پورے کر ڳھدے ڳئن، انتخابی مواد ڳھنݨ دی وی پوری تیاری کر ڳھدی ڳئی اے۔ الیکشن کمیشن عام انتخابات کیتے تیار اے۔ چھیکڑی انتخابی فہرستاں دی پرنٹنگ دا کم جاری اے۔ خمیس کوں الیکشن کمیشن دا اہم اجلاس چیف الیکشن کمشنر سکندر سلطان راجہ دی صدارت اچ تھیا جئیں اچ آندے عام انتخابات دی تیاریاں بارے جائزہ ڳھدا ڳئیا۔ اجلاس اچ ممبران الیکشن کمیشن دے علاوہ سیکرٹری الیکشن کمیشن ، صوبائی الیکشن کمشنر پنجاب تے بئے افسر شریک تھیے۔ صوبائی الیکشن کمشنر خیبر پختونخو ا ، سندھ تے بلوچستان وی وڈیو لنک توں اجلاس اچ شریک تھیے۔
.jpg)
