ماسڪو- 17 ڊسمبر (اي پي پي) روس چيو آهي ته ايران کي يوريشين اڪنامڪ يونين مبصر رياست جو درجو ڏنو ويندو. پرڏيهي خابرو ايجنسي موجب روسي وزيراعظم ميخائل ميشوسٽين ڪالهه روسي اخبار کي ٻُڌايو ته يوريشين اڪنامڪ يونين (اِي اي اِي يو) جي پرڏيهي ناتن کي مضبوط بنائڻ تي توجهه کتل آهي. مبصر رياستن جو دائرو وسيع ٿي رهيو آهي. ازبڪستان ۽ ڪيوبا کان علاوه ايران کي به اهو درجو ملندو. هن چيو ته اِي اي اِي يو جي چئن ملڪن سان آزاد واپاري معاهدا آهن ۽ يوريشين اڪنامڪ يونين شين جي آمدني واپار کي وڌائڻ ۽ غير رياستن جي ميمبرن سان چٽاڀيٽي جي قيمت جي آمدني واپار کي يقيني بنائڻ لاءِ وڌيڪ ملڪن سان ڳالهيون جاري آهن. يوريشين اڪنامڪ يونين پهرين جنوري 2015ع تي قائم ڪئي وئي. يونين ۾ في الحال پنج ملڪن جا ميمبر روس، قازقستان، بيلاروس، ڪرغزستان ۽ آرمينيا شامل آهن.
.jpg)
