اسلام آباد۔29اگست (اے پی پی) چیئرمین سینیٹ سید یوسف رضا گیلانی نال سپیکر قومی اسمبلی سردار ایاز صادق ملاقات کیتی جیں اچ سینیٹ تے قومی اسمبلی اچ ادارہ جاتی تعاون مزید ودھاوݨ تے اتفاق تھیا۔ سینیٹ سیکرٹریٹ موجب ملاقات ا?? 11 توں 12 نومبر کوں بین الپارلیمانی سپیکرز کانفرنس دیاں تیاریاں تے غور کیتا ڳیا۔ سید یوسف رضا گیلانی بین الپارلیمانی سپیکر کانفرنس دے حوالے نال سپیکر قومی اسمبلی کوں تفصیلی آگاہ کیتا۔ چیئرمین سینیٹ ݙسایا جو 45 توں ودھ ملکاں دے نمائندیں دی کانفرنس اچ شرکت دی توقع اے۔ خطے اچ امن، ترقی اتے موسمیاتی چیلنجز سودھے ݙوجھے عالمی معاملیں تے ڳالھ تھیسی۔ سپیکر قومی اسمبلی سردار ایاز صادق آکھیا جوپاکستان کیتے کانفرنس اہم موقع اے، قومی اسمبلی بھرپور تعاون کریسی۔ ملاقات دے دوران ملک دی مو??ود?? سیاسی و معاشی صورتحال، بھارت دی طرفوں دریاواں اچ چھوڑئے ڳئے پاݨی اتے چھل دیاں تباہ کاریاں تے ڳالھ مہاڑ تھئی۔ ݙوہیں اڳواݨاں عوام توں اپیل کیتی جو احتیاطی تدبیراں اختیار کرن اتے حکومت نال تعاون کرن۔ سپیکر قومی اسمبلی ایاز صادق سید تنویر الحسن گیلانی دے انتقال تے اظہارِ تعزیت کیتی اتے آکھیا جو مرحوم سید تنویر الحسن گیلانی نیک ا??سا?? ہن، چیئرمین سینیٹ اتے مرحوم دے گھر آلیں دے ݙکھ اچ برابر دا شریک ہاں۔ سردار ایاز صادق چیئرمین سینیٹ نال تعزیت کیتی اتے مرحوم دی مغفرت کیتے دعا کیتی۔
.jpg)
