اسلام آباد۔13اگست (اے پی پی) ترجمان دفتر خارجہ ممتاز زہرہ بلوچ آکھیا جو پاکستان کوں بھارت اچ تابکار مواد دی چوری اتے غیر قانونی فروخت دے واقعیاں دی رپورٹس تے سخت تشویش اے۔ بھارت اچ تابکار مواد دے نا?? ہک گینگ دی گرفتاری تے پاکستان دے ردعمل بارے ہک سوال دے ولدے اچ ترجمان آکھیا جو اڄوکے واقعیاں اچ ہک ٻہوں تابکار اتے زہریلا مادہ کیلیفورنیم غیر قانونی طور ہک گروہ دے قبضے اچ پاتا ڳئے جئیں دی مالیت سو ملین ڈالر اے۔ 2021 اچ کیلیفورنیم دی چوری دے ترائے واقعے رپورٹ تھیے ہن۔ گز??یل مہینے ??نڄ بندے بھابھا اٹامک ریسرچ سینٹر (بی اے آر سی) توں چوری تھیوݨ آلی تابکار ڈیوائس دے نا?? دہرادون اچ پاتے ڳئے ہن۔ ترجمان آکھیا جو بھارت اچ ایجھا حساس مواد غلط ہتھیں اچ ونجݨ خطرناک اے۔ انہاں آکھیاجو پاکستان انہاں واقعیاں دی پوری تحققیات اتے انہاں واقعیاں کوں روکݨ کیتے مناسب اقدامات دے مطالبے دا اعادہ کریندے۔
