اسلام آباد۔13جون (اے پی پی):نائب وزیراعظم اتے وزیر خارجہ سینیٹر محمد اسحاق ڈار دی صدارت اچ اسلام آباد، کراچی اتے لاہور دے ہوائی اݙیں دی آئوٹ سورسنگ متعلق سٹیئرنگ کمیٹی دا 10واں اجلاس تھئے۔ نائب وزیراعظم دے آفس توں جاری بیان موجب اجلاس اچ وزیر دفاع و ہوابازی، وزیر قانون و انصاف، سیکرٹری ایوی ایشن، بورڈ آف انویسٹمنٹ، سول ایوی ایشن اتھارٹی دے حکام اتے انٹرنیشنل فنانس کارپوریشن (آئی ایف سی) دی ٹیم شرکت کیتی۔ آئی ایف سی ٹیم اسلام آباد انٹرنیشنل ایئرپورٹ دی آئوٹ سورسنگ تے پیشرفت کیتی تے ݙسایا جو مقامی اتے غیر ملکی سرمایہ کاراں تے مشتمل مختلف کنسورشیمز وچال صحت مند مقابلہ 15 جولائی 2024 کوں متوقع اے۔ سٹیئرنگ کمیٹی لاہور اتے کراچی ایئرپورٹس دی آئوٹ سورسنگ تے پیشرفت دا وی جائزہ ڳھدے تے ہݨ تئیں کیتے ڳئے کم تے اطمینان دا اظہار کیتے۔ منصوبے موجب ݙوہیں ہوائی اݙی سانڳے رعایتی ڈھانچہ اڄوکے سال اگست دے ادھ تئیں تیار تھی ویسی ۔بیان موجب اجلاس اچ ایں توقع کیتی ڳئی اے جو اسلام آباد انٹرنیشنل ایئرپورٹ دی آئوٹ سورسنگ دے نتیجے اچ صارفین کوں بہتر تجربے نال عالمی معیار دی سروس ملسی۔
.jpg)
