اسلام آباد۔25جون (اے پی پی):صدر مملکت ڈاکٹر عارف علوی سبی، بلوچستان اچ ایف سی دی پٹرولنگ پارٹی تے دہشت گرد حملے دی مذمت کریندے ہوئیں آکھیے جو پاکستانی قوم دہشت گردی دے خلاف جنگ اچ سکیورٹی فورسز دے رلے ھے۔ جمعے کوں اتھاں ایوان صدر توں جاری بیان اچ صدر مملکت آکھیے جو پاکستانی قوم تے سیکورٹی فورسز دہشت گردی دے خلاف جنگ اچ وݙیاں قربانیاں ݙتن ، قوم دی خاطر جان دا نذرانہ پیش کرݨ آلے نینگراں کوں یاد رکھیا ویسی ۔ صدر مملکت شہیداں دے چے درجے تے انہاں دے خاندان کیتے صبر دی دعا منگی اے ۔
