اسلام آباد – 03 آڪٽوبر (اي پي پي) وزيراعظم عمران خان سان مصر جي واپارين جي وفد ملاقات ڪئي. ملاقات ۾ وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ، وزيراعظم جو خصوصي معاون سيد ذوالفقار عباس بخاري، نئون پاڪستان هائوسنگ اٿارٽي جو چيئرمين ليفٽيننٽ جنرل (ر) انور علي حيدر ۽ سيڙپڪاري بورڊ جو چيئرمين زبير گيلاني ۽ پاڪستان ۾ مصر جو سفير احمد افضل يعقوب به موجود هئا. وفد وزيراعظم عمران جي ويزن ۽ حڪومت جي ڪاروباري پاليسين تي مڪمل اعتماد جو اظهار ڪندي چيو ته مصر جون ڪمپنيون پاڪستان ۾ گهرن جي تعمير، توانائي، صحت ۽ ٻين شعبن ۾ سيڙپڪاري ۾ دلچسپي رکن ٿيون.
