جہلم ۔ 22 دسمبر (اے پی پی) وفاقی وزیر اطلاعات و نشریات چوہدری فواد حسین آکھیے جو تحریک انصاف کوں ملک اچ قانون تے عملدرآمد،طاقتور اتے غریب کیتے ہکو جھیں نظام اتے تبدیلی دی وعدے تے ووٹ ملیے،وزیراعظم عمران خان ہک حصارتروڑ تے متوسط طبقے دا انقلاب گھن آئن،جیکر امیر لوک پکڑیے ونجن تاں جمہوریت خطرے اچ آ ویندی اے،عمران خان بادشاہ یا ڈکٹیٹر نئیں جو او ڈو لفظ آکھسن اتے ہر شئے بدل ویسی،ایندے کیتے بہوں محنت اتے ویلھا چاہیدے۔جہلم بار دے وکلاءاتے ضلعی انتظامیہ دی مشاورت نال جوڈیشل ریفارمز اتے پیکج گھن آسوں۔ اے گالھ انہاں جہلم اچ جہلم جوڈیشل کمپلیکس دی نویں عمارت ے افتتاح ویلھے تقریب نال خباب اچ آکھی۔تقریب اچ فرحت کمال ضیاءایڈووکیٹ وفاقی وزیر کوں وزیراعظم، چیف جسٹس آف پاکستان دیامر بھاشا مہمند ڈیم فنڈ کیتے ہک لکھ روپے دا عطیہ ڈتے۔ وزیر اطلاعات آکھیا جڈاں سعد رفیق اتے شہباز شریف جھیں طاقتور لوک پکڑیندن تاںابڑ غُت جمہوریت اتے معیشت خطرے اچ پئے ویندی اے، پارلیمنٹ وی نئیں چلنڑ ڈتی ویندی۔ انہاں آکھیے جو وزیراعظم عمران خان اپنڑا گھر ہک یونیورسٹی بنڑا تے تحقیقی مرکز اچ بدل تے پہلا وڈا قد، بھریے جو اگو تے حکمران طبقہ وی پاکستان دے عوام کیتے قربانی ڈیسی۔انہاں یقین ڈیوائے جو پنجاب اچ قانون سازی تے وکلا اتے جہلم انتظامیہ نال صلاح گھدی ویسی، ضلعی انتظامیہ دے نال رل تے وکلا کیتے چیمبراتے بیاں سہولتاں ڈیونڑ سودھے ہک پیکیج وی متعارف کرویسوں۔
