اسلام آباد۔19دسمبر (اے پی پی):وزیر خارجہ مخدوم شاہ محمود قریشی او آئی سی وزرائے خارجہ کونسل دے غیر معمولی اجلاس دے موقع تے اردن دے اپݨے ہم منصب ایمن صفادی نال ملاقات کیتی۔اردنی وزیر خارجہ شاہ اردن دی طرفوں پاکستانی قوم کوں محبت اتے خیرسگالی دا پیغام پڄایا ، وزیر خارجہ آکھیے جو پاکستان اتے اردن وچال برادرانہ تعلقات ہن جیڑھے جو اساݙی مشترک ثقافت اتے تاریخی اقدار ںال جڑیے ہوئن ۔وزیر خارجہ پاکستان اتے اردن دے درمیان بہتر پالیسی کوآرڈینیشن اتے ݙو پاسے رابطے دے ودھارے دی لوڑھ تے زور ݙتے ، انہاں آکھیے جو اساں پاکستان اردن مشترکہ وزارتی کمیشن اتے ݙوہیں ملکاں دی وزارتِ خارجہ دے درمیان وختی مذاکرات دے انعقاد دے منتظر ہیسے۔پاکستان اتے اردن وچال ݙوپاسے تجارت کوں ودھاوݨ کیتے مشترکہ کوششاں تے کم کرݨ دی لوڑھ اے ۔اردن دے وزیر خارجہ ایمن صفادی پرخلوص میزبانی تے وزیر خارجہ مخدوم شاہ محمود قریشی دا شکریہ ادا کریندے ہوئیں انہاں کوں دورہ اردن دی دعوت ݙتی ۔
