صوابی ۔20فروری (اے پی پی):اسپیکر قومی اسمبلی اسد قیصر آکھیے جو راشد میموریل ویلفیئرسٹی عالم آباد آباد بݨݨ توں علاقے اچ تعلیم صحت اتے ٻیاں سرگرمیاں کوں ودھارا تھیسی ایندی تکمیل توں علاقے دے لوکاں دی تقدیر بدل ویسی ، اے ڳالھ انہاں اتوار کوں راشد میموریل ویلفیئرسٹی عالم آباد ضلع صوابی اچ جاری ترقیاتی منصوبیں دا جائزہ گھنݨ دے حوالے نال منعقدہ تقریب توں کطاب کریندے ہوئیں آکھی اے ۔اسپیکر اسد قیصر آکھیے جو اے عوامی منصوبہ اے تے اے منصوبہ عوامی فنڈز چیرٹی ڈونرز توں ملݨ آلے فنڈز توں تعمیر کیتا ویندا پئے ، انہاں ݙسایا ایں منصوبے اچ کوئی سرکاری فنڈ دا استعمال نی تھیندا پیا انہاں آکھیے اے عوامی منصوبہ اے تے عوام ہی اپݨی مدد آپ دے تحت ٻئے اداریں دے تعاون نال اینکوں مکمل کیتا ویندا پئے ۔انہاں ݙسایا جو اے ڳالھ قابل ذکر اے جو ایں ویلفیئر سٹی کیتے اتھاں دے مقامی لوکاں ھک ہزار کنال زمین مفت ݙتی اے ایں ویلفیئر سٹی اچ مختلف شعبیں اچ اسکول کیڈٹ کالج اتے ٹیکنیکل یونیورسٹی وغیرہ شامل ہن انہاں شعبیں دی تعمیر تے پہلے توں کم جاری اے ۔
