کٽمنڊو-30 نومبر (اي پي پي) سريلنڪا ڀارت سميت 7 ملڪن جي شهرين کي فري سياحتي ويزا جاري ڪرڻ جو فيصلو ڪيو آهي. هندستاني ٽائمز موجب سريلنڪا جي اميگريشن کاتي طرفان فري ويزا جاري ڪرڻ جو فيصلو ملڪ جي سياحتي سيڪٽر کي ترقي ڏيڻ لاءِ ڪيو ويو آهي. آزمائشي بنياد تي فري سياحتي ويزائون 31 مارچ 2024ع کان 30 ڏينهن لاءِ جاري ڪيون وينديون، سياحن کي ان ويزا تي 30 ڏينهن سريلنڪا ۾ رهڻ جي اجازت هوندي. ياد رهي ته آڪٽوبر ۾ سريلنڪا جي ڪابينا ڀارت، چين، روس، ملائيشيا، جاپان، انڊونيشيا ۽ ٿائيلينڊ جي شهرين کي فري سياحتي ويزا جاري ڪرڻ جو فيصلو ڪيو هو.
