اسلام آباد۔26جولائی (اے پی پی) وزیرِ اعظم شہباز شریف ہک ݙینھ دے دورے تے کراچی ٹر ڳئن۔ وزیراعظم آفس میڈیا ونگ توں بدھ کوں جاری بیان موجب وزیرِ اعظم کراچی اچ وزیرِ اعظم لیپ ٹاپس سکیم اتے وزیرِ اعظم یوتھ بزنس لونز دی تقریب اچ شریک تھیسن۔ وزیراعظم سندھ دے ہونہار طلبا تے طالبات اچ میرٹ تے لیپ ٹاپس اتے چیک تقسیم کریسن۔ وزیراعظم تقریب توں خطاب وی کریسن۔ وزیراعظم دی گورنر تے وزیراعلیٰ سندھ نال انڄ انڄ ملاقات وی تھیسی۔ بعد اچ وزیراعظم چھل متاثرین کیتے سہون اتے لاڑکانہ اچ ٻݨیے گھراں دی افتتاحی تقریب اچ شریک تھیسن۔
.jpg)
