شینزن۔4جون (اے پی پی) وزیرِاعظم محمد شہباز شریف آپݨے پنڄ ݙینھ دے چین دے پہلے مرحلے کیتے شینزن پڄ ڳئے۔ وزیراعظم دا شینزن ہوائی اڈے تے اعلیٰ چینی حکام، پاکستان اچ چین دے سفیر جیانگ زیدونگ، پاکستان دے چین اچ سفیر خلیل ہاشمی اتے اعلیٰ سفارتی اہلکاراں پرتپاک استقبال کیتا۔ وزیراعظم آفس دے میڈیا ونگ توں جاری بیان موجب وزیراعظم اڄ چین دی کمیونسٹ پارٹی دے شینزن کیتے سیکرٹری مینگ فینلی ملاقات کریسن۔ وزیرِاعظم کل پاک چائنہ بزنس فورم اچ شریک تھیسن۔ پاکستانی وفد اچ معروف کاروباری شخصیات سودھے نائب وزیراعظم تے وزیر خارجہ اسحاق ڈار ، وزیر دفاع خواجہ آصف ، وفاقی وزیر منصوبہ بندی احسن اقبال، وفاقی وزیر خزانہ و محصولات محمد اورنگزیب،وفاقی وزیر پٹرولیم مصدق ملک، وزیر اطلاعات و نشریات عطاء اللہ تارڑ، وفاقی وزیرِ غذائی تحفظ رانا تنویر حسین، وزیرِ تجارت جام کمال خان، وزیرِ نجکاری عبدالعلیم خان اتے وزیرِ مملکت برائے انفارمیشن ٹیکنالوجی شزہ فاطمہ خواجہ وی شامل ہن۔
.jpg)
