اسلام آباد ۔ یکم اکتوبر (اے پی پی) اقوام متحدہ دی جنرل اسمبلی دے 74 ویں سالانہ اجلاس نال وزیر اعظم عمران خان دے خطاب کوں یو ٹیوب تے 8 لکھ 22 ہزار توں ودھ واری ڈٹھا گے جیرھا جو بئے عالمی رہنماواں دے مقابلے اچ کتھائیں زیادہ اے جڈاں جو ایں فہرست اچ بھارتی وزیر اعظم نریندرمودی دا پرے پرے تئیں کوئی نشان کائناں ہئی ۔وڈیوشیئرنگ دے حوالے نال پوری دنیا دی ساریں توں وڈی ویب سائٹ یو ٹیوب تے وزیر اعظم عمران خان دے جنرل اسمبلی دے سالانہ اجلاس اچ 27 ستمبر کوں کیتے گے خطاب کوں 8,22,495 واری ڈٹھا گے جیرھا جو دنیا اچ انہاں دی مقبولیت دا منہ بولیندا ثبوت اے ۔جنرل اسمبلی دے ایں اجلاس نال ترک صدر رجب طیب اردوان دے خطاب کوں 5,54,431 واری، ایران دے صدر حسن روحانی دے خطاب کو ں4,15,030، ملائیشیا دے وزیر اعظم مہاتیر محمد دے خطاب کوں، 3,73,630بنگلہ دیشی وزیر اعظم حسینہ واجد دے خطاب کوں3,33,533 ،نیوزی لینڈ دی وزیر اعظم جیسنڈا آرڈرن دے خطاب کوں2,27,502 اتے برطانوی وزیر اعظم بورس جانسن دے خطاب کوں 1,50,596واری ڈٹھا گے ۔
