اسلام آباد۔30نومبر(اے پی پی):وفاقی وزیر منصوبہ بندی و ترقی پروفیسر احسن اقبال نال چینی سفیر نونگ رانگ ٻدھ کوں ملاقات کیتی جیں اچ سی پیک منصوبیں تے ڳالھ مہاڑ کیتی ڳئی ۔وفاقی وزیر آکھیے جو پاکستان دی بھرپور مدد کرݨ دے عزم تے صدر شی جن پنگ دا شکریہ ادا کریندوں ،سی پیک حکومت دی اولین ترجیح اے،ایم ایل ون ریلوے منصوبہ سی پیک دا فلیگ شپ پروجیکٹ اے ۔وفاقی وزیر ایم ایل ون منصوبے کیتے چین دی طرفوں کمپنیاں جلد نامزد کرݨ تے زور ݙتا ۔وفاقی وزیر آکھیے جو گوادر بندرگاہ اچ سیاحت دے انفراسٹرکچر دی تعمیر حکومت دی ترجیح اے،گوادر دے عوام کوں بجلی دی ݙیوݨ کیتے ٹرانسمیشن لائن تے زور و شور نال کم تھیندا پئے ۔ انہاں آکھیے جو پاکستان دی چین کوں برآمدات ودھاوݨ کیتے چین دی پیشکش دا خیر مقدم کریندوں ،سی پیک خطے اچ خوشحالی دا ضامن اے۔ چین اتے پاکستان بزنس وچال بزنس ٹو بزنس تعاون کوں ودھارا ݙیوݨ تے وی اتفاق کیتا ڳئے ۔
