اسلام آباد۔30جولائی (اے پی پی) وفاقی وزیرداخلہ رانا ثناءاللہ آکھیا جو پاکستان اتے سعودی عرب رَل تے سارے داخلہ اتے علاقائی سکیورٹی چیلنجز دا مقابلہ کریسن، سعودی عرب پاکستان دے اوکھے حالات اچ ہمیشہ دل کھول تے مدد اتے تعاون کیتے۔وزیر داخلہ رانا ثناءاللہ نال سعودی سفیرنواف بن سعیدالمالکی چھݨ چھݨ کوں ملاقات کیتی۔ ایں موقع تے پاک سعودی ݙو پاسہ تعلقات سودھے، آپسی دلچسپی دے معاملیاں تے ڳالھ مہاڑ کیتی ڳئی۔ وزیر داخلہ رانا ثناءاللہ سعودی حکومت اتے خادمین حرمین شریفین کوں حج تے بہترین انتظامات اتے پاکستان توں حج زائرین کیتے روڈ ٹو مکہ پراجیکٹ دے کامیاب انعقاد تے مبارخ ݙتی ۔ انہاں آکھیا جو پاکستان اتے سعودی عرب رَل تے سارے داخلہ اتے علاقائی سکیورٹی چیلنجز دا مقابلہ کریسن۔ ایں موقع تے سعودی سفیر آکھیا جو ایں سال پاکستان توں اسی ہزار توں ودھ حج زائرین روڈ ٹو مکہ پراجیکٹ سہولت توں فائدہ چاتے۔
